Toleo por ler

Telexornal de 6º

2012-01-11T10:09:00.015+01:00

Os nenos e nenas de sexto A acaban de rematar a primeira entrega do Telexornal.
A idea consiste en gravar e emitir un Telexornal contándonos as novas do cole, e tamén algunhas outras a nivel nacional e internacional.
A primeira edición correu a cargo de sexto A, e a vindeira, que sairá a finais de febreiro, correspóndelle a sexto B.
Nesta primeira edición recollemos as novas máis salientables do primeiro trimestre. A continuación presentámosvos o telexornal xunto cun sumario con todas as novas e o seu correspondente minuto de emisión nos videos:

Día Internacional das Bibliotecas Escolares

2011-11-03T10:34:00.007+01:00

No noso centro aproveitamos o Día das Bibliotecas Escolares -que se celebra sempre o cuarto luns de outubro- para facer un acto de inauguración da biblioteca para o curso escolar.
Por tal motivo os alumnos/as de 6º ofrecéronnos unhas "Instruccións para ler un libro" e prepararon tamén unha obra de teatro titulada "Asemblea na carpintería" para que a poideramos disfrutar todos e todas. Aquí tedes algunhas fotos:

Francisco Castro no colexio

2011-06-10T14:05:00.011+02:00

¡Por fin! Hoxe tivemos a visita de Francisco Castro que, como sabedes, é o autor de "Chamádeme Simbad", entre outros. Pasamos con el un rato xenial no que nos contou moitas cousas sobre a súa vida, sobre como xurdiron os seus libros, as súas aficións, etc. Trala charla con el, fixémoslle unha serie de agasallos que esperamos lle gustaran: debuxos en relación á súa obra, unha presentación sobre el mesmo, cantigas a cargo do profe Fran, etc.

Erase unha vez ... Francisco Castro

View and share presentations on PowerShow.com

Contacontos de Sabela Gago

2011-05-26T17:23:00.015+02:00

Hoxe tivemos unha sesión de contos maravillosa. De novo estivo con nós Sabela Gago, que veu a contarnos eses contos cos que consigue meternos totalmente no mundo da imaxinación e a fantasía. Como sempre, fíxonos participar a todos facendo xestos, sons, interpretando, ... ¡Que ben o pasamos!

Semana das Letras Galegas

2011-05-20T18:03:00.042+02:00

O pasado martes 17 de maio celebrouse o Día das Letras Galegas que, como sabedes, este ano está dedicado a Lois Pereiro. Por este motivo, e aproveitando tamén que estamos no Ano Internacional dos Bosques, quixemos facer unha semana especial en torno aos dous temas. Así, ao longo da semana seguimos preparando murais e outros materiais que xa se comezaran anteriormente e o mércores e xoves dedicámolos integramente a talleres. Nestes talleres aprendimos moitas cousas: o que é a fotosíntexe, a importancia dos bosques, as árbores autóctonas, a vida e obra de Lois Pereiro, etc. Aquí tedes unha pequena mostra do que fixemos:

Taller de Lois Pereiro

Murais:vida e obra de Lois Pereiro

As árbores da nosa vida

Talleres da fotosíntexe, as árbores autóctonas e incendios, tala e desertización

A árbore dos desexos

Contacontos das árbores

Talleres de música e inglés

Para o Día das Letras Galegas

2011-05-13T18:59:00.012+02:00

Nestas últimas semanas estamos a elaborar no colexio diferentes actividades sobre o autor homenaxeado este ano, Lois Pereiro, das que xa vos iremos dando conta. De momento deixámosvos aquí uns enlaces para que vaiades coñecendo a súa biografía e facendo algunha actividade en torno á súa vida e obra.

Biografia Lois Pereiro

View more presentations from kdnta

Actividades Lois Pereiro

Elaborando o conto viaxeiro do bosque

2011-05-09T09:14:00.009+02:00

Dado que o 2011 foi declarado Ano Internacional dos Bosques, nestas últimas semanas estase elaborando no colexio un conto no que participan as nenas e nenos do colexio, relacionado coa proteción do bosque. Cada clase engade un capítulo e os peques de Infantil fan a portada do conto e así vaise facendo pouco a pouco. Cando estea rematado xa o poremos aquí para que o poida ver todo o mundo. De momento avanzámosvos unhas imaxes da súa confeción.

Ademais, deixámosvos aquí un video sobre o tema:

Mochilas viaxeiras

2011-04-29T10:15:00.005+02:00

Desde hai algunhas semanas, os nenos e nenas do cole están a levar para casa as chamadas "mochilas viaxeiras", e por iso queremos tamén facer referencia aquí no blog.
Esta actividade, promovida pola Biblioteca do cole, pretende unha maior implicación familiar no proceso lector do alumnado dende unha perspectiva lúdica e novidosa: sacar a Biblioteca fóra do Centro e levala ata os fogares.
Puxemos as nosas mellores intencións na selección dos libros, dvds, cómics, etc., que van dentro da mochila e lévanse para casa o venres, téndose que devolver o xoves seguinte para que sigan "viaxando" por outras familias.
Acompañan a estes materiais unha carta dirixida ás familias convidándoas a participar na actividade, o caderno viaxeiro cunha nota explicativa da súa finalidade, un díptico coas instruccións de uso da mochila e un listado dos materiais incluidos.
Pedimos a importantísima colaboración da familia nesta actividade: contándolles os contos ós máis pequenos,axudándolles no seu correcto coidado e manipulación, escoitando as músicas ou vendo os vídeos con eles e devolvéndoas na data indicada na propia mochila .

23 de abril, Día do Libro

2011-04-26T13:14:00.005+02:00

Leer…

Es viajar, y no en avión,

coche, barco, tren ni moto,

a cualquier lugar remoto,

sin moverte del sillón.

Navegar por el Mar Muerto.

Escalar el Himalaya

o una pirámide maya.

Ir en camello al desierto.

***

Es trasladarte al futuro

o pasear de la mano

por el pasado lejano,

sin necesitar conjuro.

Subir a un mamut lanudo.

Ver a Cleopatra en su trono.

−¡Cómo se da pisto y tono!−.

Visitar Marte a menudo.

***

Escuchar con atención

esas historias aladas

que, con palabras calladas,

vuelan hasta el corazón.

Conversar con Gloria un rato

del camello de Melchor,

de un pulpo enfermo de amor

o del pato Chundarato.

***

Es refugio y es consuelo,

como el cálido achuchón

que, con sabor a canción,

te da una nube del cielo.

El hado Chisgarabís

ayuda con su varita

a aquel que lo necesita

si el mundo se vuelve gris.

***

La lectura es compañera,

esa amiga singular

con la que puedes contar,

hogar que acoge y espera.

(Carmen Gil)

Como xa saberás, o sábado 23 de abril celebrouse o DÍA MUNDIAL DO LIBRO DE DOS DEREITOS DE AUTOR. Aínda que estabamos de vacacións, gustaríanos que esta data non pasara desapercibida. Apuntámosvos aquí algunhas actividades que podedes facer para comemorar dita data:
Marcapáxinas e outras cousas

Premios do Concurso de Investigación e aplazamento da visita de Francisco Castro

2011-04-14T09:32:00.010+02:00

Por si alguén non se enterou, dicirvos que a visita de Francisco Castro quedou aplazada para a semana das Letras Galegas, máis exactamente para o venres 20 de maio.
Iso non quita que hoxe, como quedaramos, se entregaran os premios do Concurso de Investigación.
Noraboa a tódolos premiados, que foron os seguintes:

Sara G., Iria, Alba R. e Ana, de 5ºnivel
Alex L., de 6º nivel.

A verdade é que despois do que traballaron durante estes meses teñen máis que merecido ese premio xunto co aplauso de todos/as.

Poñémosvos aquí unha pequena mostra do traballo que fixeron estes intrépidos investigadores, concretamente os jabberwocky da última proba:

Open publication - Free publishing - More amaro refojo

Visita de Francisco Castro

2011-04-07T13:57:00.009+02:00

O xoves, día 14 de abril, visítanos Francisco Castro, autor, entre outros libros, de “Chamádeme Simbad”, “Un bosque cheo de faias”, “O ceo dos afogados”, (estes tres libros gañaron o Premio Frei Martín Sarmiento en tres edición diferentes), “As palabras da néboa”, “Spam”, etc.

Francisco Castro naceu en Vigo, hai uns aniños. É profesor de Filosofía, escritor e blogueiro, e colabora asiduamente con diversos medios de comunicación galegos, en temas sempre relacionados coa cultura.
Faremos con él diversas actividades, e seguro que o pasaremos moi ben.
Se queres saber máis cousas acerca de él, podes visitar o seu blogue “A canción do naúfrago” pinchando aquí.

Un dos últimos artigos que escribiu fala dun libro seu que lemos este ano no cole, “Chamádeme Simbad”. ¿Queres saber o que dí?

Sesión de contacontos para os nenos e nenas de 1º de Primaria

2011-04-01T11:33:00.009+02:00

Onte, xoves 31, recibimos a visita de dúas contacontos, Néveda e Sandra, que viñeron enviadas pola editorial Kalandraka a contarnos uns contos maravillosos e incluso algo máxicos. Nos contos empregaron un acordeón e outros instrumentos de percusión para poñer melodías e efectos de son.

A visita estivo programada para as nenas e nenos de 1º de Primaria, que escoitaron as andanzas de María bailando entre as nubes, do gato Guille e os monstruos, do elefante Pancho, etc.

¡Foi unha sesión moi divertida!

Final do concurso de investigación de 5º e 6º nivel

2011-03-31T11:40:00.021+02:00

Bueno, rapazas e rapaces, por fin chegamos á última fase do concurso. Deixámosvos aquí as instruccións. ¡Ánimo!, si resolvedes esta proba ides quedar polo menos á altura de Gerónimo Stilton...

Por certo, a entrega de premios farase o día 14 de abril, data na que nos visitará o autor Francisco Castro.

Nada máis, pincha no seguinte enlace, imprime as dúas páxinas e ... ¡a investigar!

INSTRUCCIÓNS DA PROBA FINAL

Conmemoracións do Día da Poesía e do Día da Árbore

2011-03-23T13:23:00.007+01:00

O pasado luns, 21 de Marzo, foi un día especial dado que coincidiu a celebración do Día da Árbore e do Día da Poesía, ademais de dar comezo a primavera. Nestes últimos días andiveron as musas polas aulas do colexio inspirando aos nenos e nenas para compoñer fermosos poemas, ademais, os/as de 5ºB estiveron preparando unha obra de teatro titulada "Dende o corazón do bosque". O resultado destes preparativos vímolo hoxe pola maña no ximnasio-salón de actos, nun acto no que ademais se entregaron os premios do concurso de poesía.

Finalistas do concurso de investigación

2011-02-25T17:00:00.003+01:00

Bueno, xa temos os finalistas do concurso: Iria V., Ana Manso, Alba R., Sara e Alex de Lorenzo.
Dentro de pouco imos dar comezo a última parte do concurso. Pero atención, ímosvos avisar soamente a través do blog, asi que ¡estade atentos/as!.

Que é para ti a Paz

2011-01-31T23:57:00.003+01:00

O pasado venres e con motivo do Día da Paz houbo varias actividades no colexio, entre elas a presentación dun vídeo sobre o que significa a Paz para os nenos e nenas do cole e que podedes ver aquí:

Achégase o 30 de xaneiro: día da Paz

2011-01-20T10:21:00.019+01:00

O próximo 30 de xaneiro celébrase o Día da Paz, como tódolos anos desde 1964. Por elo, para aprender moitas cousas relacionadas con este día, aquí tedes unhas actividades baixo o título "Entre todos construímos a Paz". Pinchando no icono "pantalla" da esquina superior dereita podedes velo a pantalla completa.

Máis cousas: un conto entrañable para ese día (ou para calquera outro):"La ovejita que vino a cenar".

Uns xogos para os máis pequenos:

Máis materiais para traballar sobre a paz:

- Caderno Puca quere saber sobre a Paz, do blog da Biblioteca do CEIP de Cervo.
- Webquest Arte e Paz para 1º Ciclo ,2º Ciclo e 3º Ciclo do CEIP Terra Chá

Outros recursos que atopamos en "O recanto de Mik":

- Recursos para o Día da Paz.

Continúa o concurso de investigación para 5º e 6º de Primaria

2011-01-13T23:54:00.006+01:00

A continuación tedes a presentación á que fai referencia o cuestionario que se vos entregou. As pinturas son de Vincent Van Gogh. Pero tamén é necesario saber que música é a que sona de fondo. ¿Seredes capaces de adiviñalo?

2ª fase do Concurso de Investigación

2010-12-09T10:56:00.007+01:00

Bueno, rapazas e rapaces de 3º ciclo, o concurso sigue adiante. Noraboa a todos/as os que se esforzaron en atopar as respostas da fase anterior. Sodes uns investigadores de campeonato porque acertástedes a maioría das preguntas, aínda que co autor misterioso houbo máis problemas. Agora xa tedes publicadas as vosas respostas no apartado de Comentarios da entrada anterior. Tamén tedes a puntuación que lle corresponde a cada un no taboleiro de anuncios da biblioteca.

Para esta segunda fase propoñémosvos primeiro un encrucillado.

Para resolvelo, esta vez non hai que contestar aquí no blog senón que debedes ir á biblioteca do cole calquera tarde a partir de hoxe -de 4 a 6- e pedir a folla do encrucillado para resolvela a man. Tedes de prazo ata o 9 de xaneiro,inclusive.
Ademais, en breve poñeremos aquí outra nova pista a resolver, esta vez sí, a través do blog. ¡Estade atentos!

Concurso de investigación (para 5º e 6º nivel)

2010-11-24T09:45:00.008+01:00

1ª FASE DO CONCURSO:

O cadro que tes ante ti está considerado como a “MAGNUS OPUS” dun dos pintores máis importantes de todos os tempos.
Averigua:
Nome e apelidos do autor.
Data de nacemento.
Lugar onde naceu.
Nome da “Magnus Opus”.
¿Cal é a traducción exacta de Magnus Opus?
¿Cal é o nome do pobo que se ve no cadro?

Tamén en marzo, pero case que 200 anos antes, nacía outra figura de relevancia mundial no mundo das artes.
Descubre o seu nome:

Para descubrir o nome, e así poder pasar á segunda parte do concurso, deberás resolver as seguintes definicións:

1ª consoante do título dun dos cadros máis famosos do autor, pintado en 1888

1ª vocal da traducción de “Magnus Opus”:

Última consoante do apelido do pintor:

1ª vocal do pobo que aparece no cadro:

Unha das consoantes que se repiten no título do cadro, traducido ao holandés:

Unha das consoantes que se repiten no título do cadro, traducido ao holandés:

1ª consoante do pobo que aparece no cadro:

Segunda letra da traducción de “Magnus opus”:

Última vocal do título do cadro, en holandés:

Letra que está exactamente no medio do nome do pintor:

Última consoante do apelido do pintor:

Tes que dar a resposta a estas preguntas aquí no blog, pinchando en "Comentarios" e poñendo o teu nome e apelidos.
Puntuación:
Respostas correctas antes do 31 Nov.: 5 puntos
Respostas correctas despois do 1 Dec.: 3 puntos

Exposición de caligramas

2010-05-21T09:44:00.004+02:00

Como xa vos contabamos días atrás, organizamos no colexio un concurso de caligramas en torno ao Día das Letras Galegas, tomando como referencia a Uxío Novoneyra e o Camiño de Santiago. Cos traballos que fixéstedes temos montada unha exposición na entrada da Biblioteca, que podedes ver cando queirades.

Concurso de caligramas

2010-05-11T21:23:00.007+02:00

¿Sabes o que é un caligrama? Pois é moi fácil: colles as palabras dun poema, estíralas un pouco, daslle volta para un lado e volta para o outro, ... e ao final tes un debuxo feito con palabras, ou o que é o mesmo, un poema en forma de debuxo. ¿Quedou claro? Bueno, pois con motivo do DÍA DAS LETRAS GALEGAS a biblioteca do cole organiza o 1º CONCURSO DE CALIGRAMAS. Como sabedes, o autor homenaxeado este ano é UXÍO NOVONEYRA. Por elo, ofrecémosche a posibilidade de facer un caligrama utilizando un poema deste autor relacionado co Camiño de Santiago, xa que neste curso deunos por facer varias actividades sobre este tema. Así que ánimo, usa a túa imaxinación e convírteo nunha auténtica obra de arte. Podes utilizar a parte que queiras de dito poema, que comeza así:
Pasadas tódalas Francias
por Ocitania ou Gascuña
ou de París a Iruña
xa diluídas as distancias.
A Aragón por Cataluña
ou polo Norte por Son.
En pasádalas Navarras
as cadeas e as barras.
Pasados León e Castela
por Castela e León.
En pasado Monte Irago
e xa en Lingua de Galicia
Ponferrada e Vilafranca
deixando a chaira estanca
e nas mesmas portas dela.

Exposición de carteis: vida e obra de Uxío Novoneyra

2010-05-11T16:54:00.005+02:00

Dende hai uns días, tedes na entrada do colexio unha exposición de carteis sobre a vida e obra de Uxío Novoneyra, con motivo do próximo Día das Letras Galegas que, como sabedes, é o luns 17 de maio. Estes carteis foron elaborados en tódalas aulas tempo atrás e a verdade e que merece a pena velos. No blog da Biblioteca pensamos que tamén era interesante poñelos aquí para que calquera os poidera ver por internet. Así que aquí está este traballo estupendo:

Contos do Camiño

2010-04-27T13:26:00.006+02:00

Como sabedes, recentemente o Equipo de Normalización Lingüistica propuxo facer un conto viaxeiro, motivo polo que nestes últimos días estivemos preparando en tódalas aulas, incluso en E. Infantil, un gran conto (grande polo tamaño e polo interese e dedicación que puxéstedes nel) relacionado co Camiño de Santiago. Cada aula encargouse dun mes e os pequenos fixeron a portada e a contraportada. A verdade é que quedou precioso, ata o punto que decidimos facer unha exposición con el, con motivo tamén do Día do Libro.
Pincha na presentación para ver o conto.

Open publication - Free publishing - More conto

23 de abril, Día do Libro

2010-04-23T12:54:00.007+02:00

Chegou o Día do Libro e, naturalmente, preparamos unha serie de actividades para celebralo. Aquí tedes un resumo delas:

Pola mañá, na entrada ao colexio apareceron de súpeto unhas "Damas Misteriosas" que, movéndose polo patio, ían voceando unha serie de frases. As mesmas damas foron despois polas aulas repetindo as frases e anunciando unha actividade na biblioteca.
A media mañá puidemos asistir a unha nova representación de "Gaspar, o pastor de lebres".

Na biblioteca celebrouse un concurso para encontrar as frases das Damas Misteriosas, no que houbo moita algarabía e ilusión e abundantes premios.

Contacontos: Gaspar, o pastor de lebres

2010-04-22T14:12:00.003+02:00

Xa chega o Día do Libro, o 23 de abril, como tódolos anos (unha data que algo ten que ver con Cervantes e Shakespeare, ... ¿sabedes o qué?). E por este motivo, hoxe pola tarde imos dedicarlle o contacontos a esta celebración. O conto leva por título "Gaspar, o pastor de lebres". Será ás 4,15 h. no ximnasio, como sempre.

E mañá, o propio Día do Libro, témosvos reservadas algunhas sorpresas. ¡Estade atentos!

Próximo luns pola tarde: Recital de Poesía no día da Muller Traballadora

2010-03-04T12:28:00.011+01:00

Como sabedes, o próximo luns, 8 de marzo, celébrase o Día da Muller Traballadora. Con motivo delo, temos preparado un RECITAL DE POESÍA para ese día ás 4 da tarde. Recitaranse poemas dos libros "El secreto del oso hormiguero", de Beatriz Osés, e "Palabras Brancas", de Elvira Riveiro Tobio.

"El secreto del oso hormiguero" contén uns poemas cheos de ternura e humor que están protagonizados por un vello tigre e unha nena. Unha noite, unha nena pídelle ao tigre que lle lea. O tigre iralle relatando un a un, desde a balea á formiga, como se enfrentan cada un de eles á noite, cos seus desvelos, cos seus pesadelos, ...

El viejo tigre
sabe de la noche,
sabe de las hadas…
Enciende luciérnagas,
me cuenta en voz baja.
Conoce el misterio
del lirón pequeño,
de los bichos bola,
del oso hormiguero.

"Palabras Brancas" é un poemario construído unicamente con palabras que só conteñen a vocal "a", polo que os poemas resultantes están cheos de musicalidade e ritmo, tal como comprobaredes ao escoitar o recitado. Para mostra, este poema:

- Mamá, papá: as palabras danzan?

- As palabras danzan
a danza das algas,
as palabras cantan
samba nas gargantas,

as palabras saltan
nas camas, tras as sabas,
as palabras van
das carballas ás sabanas,
ar nas bafaradas,
mar das balandras:
as palabras.

...
As palabras mancan,
as palabras sandan.

Non olvidedes, pois, que o luns 8 tedes unha cita no colexio de Primaria pola tarde...

Un mundo de libros

2009-10-20T12:10:00.005+02:00

Neste curso decidimos abrir a biblioteca cun novo centro de interese: o mundo, a literatura relacionada con outros países e culturas, a xeografía, etc. Por iso puxémoslle o título "Un mundo de libros". Como vedes nesta presentación, xa está todo listo, só falta que agora vos animedes a dar unha volta por este mundo máxico.

Premios do Certame de Relato Curto Antonio Fernández Pérez e do Certame de Poesía Xosé Carlos Caneiro Pérez

2009-05-29T11:57:00.007+02:00

Open publication - Free publishing - More certame

Como xa sabedes, varios alumnos/as do colexio presentaron traballos a estes dous certames convocados polo Concello de Verín para fomentar a creatividade literaria dos estudantes dos centros de ensino da comarca. No noso caso, a participación culminou con éxito, pois tódolos traballos presentados tiveron premio. Estes foron os premiados:

Certamen de Relato Curto Antonio Fernández Pérez:
Josué, de 5º nivel (3º premio)
Sabela, de 5º nivel (mención especial)

Certame de Poesía Xosé Carlos Caneiro Pérez:
Esther, de 6º nivel (1º premio)
Alejandra, de 6º nivel (2º premio)
Lucía, de 6º nivel (3º premio)

Os poemas presentados podédelos ler máis abaixo, no libro de poesía que colgamos na entrada de Actividades do Día do Libro.

Contacontos de Sabela Gago e entrega de premios dos concursos da Biblioteca

2009-05-29T09:16:00.009+02:00

Onte pola tarde tivemos unha nova sesión de contacontos, e unha vez máis estivo Sabela Gago para contarnos esas historias nas que o pasamos tan ben. Como outras veces, fixo saír a algúns nenos/as adiante para axudarlle cos personaxes,levounos polo seu mundo de imaxinación e ao final incluso tomounos un pouco o pelo.

Ao rematar Sabela, tivo lugar a esperada entrega de premios do 4º Concurso de Contacontos e do concurso das Letras Galegas. Os gañadores foron:
4º Concurso de Contacontos
1º Ciclo:
Xabi, de 1º
Juan, de 1º
2º Ciclo:
Iria, Alba, Noelia e Sara, de 3º
Maika e José, de 4º
Alicia e Noa, de 4º
3º Ciclo:
Esther, de 6º
Sabela, Marta e Joseba, de 5º

Ademais de para os gañadores, houbo premios para todos os participantes nas tres fases finais. Parabéns a todos e que sigades lendo e contando historias tan divertidas.

IV Concurso de Contacontos: 3ª fase

2009-05-22T10:12:00.003+02:00

A 3ª fase do concurso de contacontos celebrouse onte xoves pola tarde. Tocáballes aos nenos e nenas de 1º ciclo os cales impresionaron a todos pola súa valentía no escenario e porque o fixeron de maravilla, para deleite de todo o público asistente que, como nas fases anteriores, foi moi numeroso.

17 de maio, Día das Letras Galegas

2009-05-15T12:04:00.006+02:00

¿A quen se lle dedica este ano o Día das Letras Galegas? A Ramón Piñeiro, claro, seguro que xa o sabiades. Como tódolos anos, desde 1963, o 17 de maio é o día elixido para homenaxear a algún escritor ou escritora en lingua galega. ¿E por qué este día en concreto? Pois porque ao mesmo tempo conmemórase a publicación do libro de Rosalía de Castro "Cantares Gallegos", un 17 de Maio de 1863.

Ramón Piñeiro (1915-1990), foi unha das figuras históricas do galeguismo do século XX. Tamén foi un dos fundadores da editorial Galaxia e da revista Grial.
A obra de Ramón Piñeiro, máis ben escasa, se centra na filosofía da saudade. En 1985 recibeu a Medalla Castelao.
Como obras destacadas:
- Filosofía da saudade
- Olladas no futuro
- Da miña acordanza. Memorias
- A linguaxe e as linguas
- Olladas no futuro
- Filosofía da saudade
- Galicia
- Do sentimento á conciencia de Galicia. Correspondencia 1961-1984

Se queredes xogar e aprender un pouco máis da biografía deste escritor, recoméndovos que vaiades a este enlace:

http://cruz-recuncho.nireblog.com/

IV Concurso de Contacontos. 2ª fase

2009-05-15T11:38:00.004+02:00

Estamos xa na 2ªfase do concurso de contacontos, que se celebrou onte pola tarde. Nesta ocasión tocoulles aos nenos e nenas do 2ºciclo.

Novo número do xornal Xeración do 98, dos alumnos/as de 5º

2009-05-14T11:34:00.004+02:00

Acaba de salir un novo exemplar deste xornal e, ao igual que co número anterior, traémolo tamén aquí para que todos vexades o que fixeron estes rapaces e rapazas de 5º nivel tan traballadores. Parabéns polo labor e a seguir adiante!

Open publication - Free publishing - More xornal

Correlingua 2009: En galego! Pásao.

2009-05-12T11:36:00.011+02:00

Arredor de 45.000 rapazas e rapaces duns 500 centros de ensino de toda Galicia participan na edición 2009 do Correlingua, unha actividade que se celebra de xeito regular desde o 2000 e que este ano consiste en 14 carreiras a prol da lingua que xa se están a celebrar en 14 vilas da nosa Comunidade Autónoma. Os actos comezaron en Vigo e Pontevedra o 5 de maio e rematarán na Coruña o vindeiro día 15. O lema deste ano é: En galego! Pásao.
O noso colexio, como ven facendo desde hai anos, participa tamén nesta actividade. Por este motivo, o pasado venres 8 de maio acudimos á celebración que tivo lugar na Praza Maior de Verín.
Nesta ocasión os nenos e nenas de 2º recitaron o poema "Vente, rapasa", de Rosalía de Castro, os de 3º nivel fixeron un contacontos titulado "Unha familia de tolos" e os de 6ºcurso recitaron outro poema de Rosalía, "O lugar máis fermoso".

IV Concurso de Contacontos: 1ª fase

2009-05-08T09:24:00.003+02:00

Onte comezou o concurso de contacontos, que xa vai pola 4ª edición. Nesta primeira fase actuaron os rapaces e rapazas de 3º ciclo.

Agradecemento de Toleoporler para outros blogs

2009-05-04T18:14:00.012+02:00

Como sempre é de agradecer que os demais nos teñan en conta, desde este blog queremos dar as grazas polo premio "Olha que blog Maneiro", que recibimos recentemente, e que nos anima a seguir co noso labor.
Este premio quere dicir, máis ou menos algo así como "mira ti que blog tan chulo". Os que nos premiaron foron:

- O blogue dos alumnos de primeiro ciclo de primaria do colexio "Barrié de la Maza" de Santa Comba
- A "Biblioteca en maiúsculas para xente minúscula"
- Orbil, a mascota de “Orbilmanía”

Esta mención ten as súas normas, que son:

- Exhibir a imaxe do premio “Olha que blog Maneiro”.
- Poñer o nome do blog que cho deu.
- Indicar os teus 10 blogs.
- Avisar aos indicados.
- Publicar as reglas.
- Comprobar que os blogs indicados sigan as reglas.

Nós pasamos o premio a:
A tartaruga lectora
A Biblioteca do CEIP de Pazos
Bibliotecadocole
Biblioteca Libruxa
O recanto de Mik
Raioteca
Bibliocervo
Biblioteca Castelao
Bibliochispi
A Biblioteca do Rato

¡Inauguramos Cienciópolis! Actividades do día do libro

2009-04-24T12:12:00.012+02:00

Onte, 23 de abril e Día do Libro, como xa sabedes, houbo moitos acontecementos no colexio. Ímolos repasar aquí un pouquiño para que quede constancia do traballo que fixemos entre todos e para que podades ver as fotos dos diversos actos, traballos, etc.
En primeiro lugar, temos o concurso de poesía, no que participaron tódolos nenos e nenas de primaria.
I Concurso de Poesía Amaro Refojo

(Pincha no medio para abrir o libro de poemas gañadores)

Open publication - Free publishing - More poemas

Outra das actividades foi a "Exposición de libros favoritos" das nenas e nenos do colexio.

Na biblioteca do cole inaugurouse por fin "Cienciópolis", xa que con motivo do ano internacional da astronomía decidimos dedicar este trimestre a todo o relacionado coa ciencia, os inventos, a astronomía, etc.
Como pudéstedes comprobar xa o día anterior, varios "científicos" apareceron polo colexio buscando onde estaba Cienciópolis.
A biblioteca do cole converteuse nunha nave espacial na que todos podedes entrar e pasar un rato entretido lendo libros sobre estes temas.

Pola tarde tivemos un novo contaconto: "A rosa de San Xurxo", a cargo dos alumnos de 5º nivel.

E nada máis, noraboa a todos polo traballo feito e a ilusión posta nel e ¡a seguir lendo e traballando!

Os alumnos/as de 5º nivel publican un novo número do seu xornal e do suplemento "Xeración do 98"

2009-04-03T10:22:00.010+02:00

Desde principio de curso, os alumnos e alumnas de 5º nivel están sacando cada 15 días un exemplar do seu xornal "Xeración do 98". Os do grupo B fan o xornal e os do grupo A o suplemento. Todos están moi ilusionados co traballo e a súa intención é mellorar na práctica diaria. Parabéns aos rapaces/as deste nivel polo esforzo que conleva elaborar estas publicacións.

Open publication - Free publishing - More colexio

Open publication - Free publishing - More xeracion 98

2009-01-28T12:28:00.005+01:00

2009-01-28T12:22:00.001+01:00

Contaconto: ¿A que sabe a lúa? (¿What does the moon taste like?)

2008-12-18T16:38:00.008+01:00

Get your own - Open publication

Visitáronnos na Biblioteca ... as nenas e nenos de 4 anos

2008-12-02T19:34:00.008+01:00

Contaconto: "A castaña que estoupou de risa"

2008-12-02T19:33:00.005+01:00

Aquí tedes o conto que presentaron hai uns días as nenas e nenos de 5º curso, dentro das actividades de contacontos dos xoves. Eles mesmos fixeron a historia e os debuxos ademais de poñer as voces.

Enhoraboa polo ben que lles quedou e desexarlles que segan traballando coa mesma ilusión.

Guía de lectura de Animalandia

2008-11-03T10:22:00.006+01:00

O equipo de Biblioteca do colexio elaborou recentemente unha guía de lectura cunha selección de libros e outros recursos relacionados co mundo dos animais. A selección está clasificada por idades, salvo no apartado de libros de consulta. Podedes acceder a ela desde aquí:

Get your own - Open publication

Reapertura da Biblioteca para o novo curso: ¡Benvidos a Animalandia!

2008-10-15T09:58:00.017+02:00

Como xa sabedes, esta semana abrimos de novo a Biblioteca do centro. Pero non pensedes que estivemos de brazos cruzados ata agora,todo o contrario, nas últimas semanas dedicámonos afanosamente a preparar o que tedes agora a vosa disposición. Houbo que adquirir e catalogar libros, preparar a ambientación, etc. Neste trimestre eliximos como tema "Animalandia", enfocando a lectura aos libros relacionados cos animais. Ademais dos profesores, os rapaces e rapazas, sobre todo os de 3º ciclo, entregáronse con moito entusiasmo a esta tarefa, tal e como podedes ver nas fotos seguintes:

Despois do traballo, chegou o día da apertura, o pasado luns, día 13. Para celebralo,quixemos facer algo especial. Para empezar, invitamos a tódolos nenos e nenas do colexio e ao mesmo tempo invitamos tamén a uns cantos animais, polo que foi unha experiencia sorprendente sobre todo para os animais xa que nunca estiveran nun colexio e moito menos nunha biblioteca. Tamén acudiron algúns pais e nais cos nenos/as máis pequenos. Fixemos un xogo cunha presentación no proxector e incluso houbo unha pequena merenda para tódolos asistentes. No ximnasio organizouse tamén unha exposición de animais gracias á colaboración de todos.
Aquí tedes algunhas fotos dese día:

Agora xa está todo listo, xa só falta que aproveitedes o que preparamos para vós.
Benvidos ao novo curso da biblioteca e non vos perdades este blog, que ides ter noticias ao longo de todo o curso.

Contacontos do curso 2007-08

2008-06-19T09:10:00.010+02:00

Para rematar o curso queremos traer aquí algúns dos contacontos que se fixeron durante o mesmo e que non poidemos poñer no seu momento porque aínda non tiñamos este blog.
Un dos máis interesantes e divertidos foi "Sopas y fideos", sesión celebrada o 23 de novembro e na que participaron alumnos/as de Infantil e Primaria. Como recordaredes, as actuacións remataron cunha grande chocolatada. Este é o video dese día:

Centenario de Curros Enríquez

2008-06-18T10:46:00.012+02:00

Manuel Curros Enríquez naceu en Celanova no ano 1850. Levou unha vida errante de xornalista combativo, e como poeta formou xunto a Rosalía de Castro e Eduardo Pondal, a gran tríada do Rexurdimento Galego.
De ideario político federalista e progresista, participou na proclamación da I República española en 1873, adheríndose máis tarde ao rexionalismo galego.
En 1894, obrigado polas dificultades económicas, marchou para Cuba, onde traballou con intensidade en prol da cultura galega.
Falleceu na Habana (Cuba) o 7 de marzo de 1908.

Obras:
A Virxe do cristal (1877)
Aires da miña terra (1880)
Eduardo Chao: estudo biográfico-político
El maestre de Santiago
O divino sainete (1888)
Paniagua y compañía. Agencia de sangre

Con motivo do centenario da súa morte, este ano estanse a celebrar unha serie de actos na súa honra en toda Galicia. No noso centro tamén quixemos participar na homenaxe e por elo, os rapaces e rapazas de 6º acudiron en días pasados á Rúa Curros Enríquez de Verín a un pequeno acto, do mesmo xeito e á vez que en moitas outras localidades galegas que contan cunha rúa dedicada a Curros. Os alumnos/as interpretaron diversas melodías con gaita e percusión e recitaron o celebre poema "Cantiga". Este poema, como sabedes, despois da súbstitución do primeiro verso por "Unha noite na eira do trigo" convirtiuse nunha das baladas máis fermosas do repertorio tradicional galego.

Cantiga

No xardín unha noite sentada
ó refrexo do branco luar,
unha nena choraba sen trégolas
os desdés dun ingrato galán.
I a coitada entre queixas decía:
"Xa no mundo ninguén;
vou morrer e non ven os meus ollos
os olliños do meu doce ben".

Os seus ecos de malenconia
camiñaban nas alas do vento,
i o lamento
repetía:
"¡Vou morrer e non ven ven o meu ben"!.

Lonxe dela, de pe sobre a popa
dun aleve negreiro vapor,
emigrado, camiño de América,
vai o probe, infelís amador.

I ó mirar as xentís anduriñas
cara a terra que deixa cruzar:
"¡Quén pudera dar volta -pensaba-,
quén pudera con vosco voar! ..."

Mais as aves e o buque fuxían
sin ouir seus amargos lamentos;
solo os ventos
repetían:
"¡Quén pudera con vosco voar! ..."

Noites craras, de aromas e lúa,
desde entón ¡qué tristeza en vos hai
prós que viron chorar unha nena,
prós que viron un barco marchar! ...

Dun amor celestial, verdadeiro,
quedou soio, de bágoas a proba,
unha cova
nun outeiro
i on cadávre no fondo do mar.
(5 xunio 1869)

Cómics gañadores do I Concurso de Banda Deseñada

2008-06-05T12:23:00.005+02:00

Recéntemente celebrouse o I Concurso de Banda Deseñada da Biblioteca do cole, concurso ó que lle faltou algo de participación por parte dos alumnos/as, xa que houbo poucos traballos presentados. Estades un pouco perdoados porque foi o primeiro pero para o próximo ano esperamos que vos presentedes en masa e que fagades uns cómics estupendos.
Traémosvos aquí os traballos gañadores deste ano.
Para ver estes traballos tedes que facer clic no medio da imaxe, o que vos levará a outra ventá. Nesa ventá hai un icono na parte superior no que si pinchades poderedes ver os cómics a pantalla completa. Podedes ir pasando as páxinas como se fora un cómic impreso. Para saír da pantalla completa, pulsar Esc.

Festival das Letras Galegas 2008

2008-06-05T10:10:00.004+02:00

A pasada semana celebramos o Festival das Letras Galegas coa participación dunha parte importante dos nenos e nenas do colexio. Ademais de recitado de poesías, cancións, etc., realizouse a entrega de premios dos Concursos de Contacontos e de Banda Deseñada, así como da Liga de Fútbol Sala.
O Concurso de Contacontos e de Banda Deseñada enmárcanse dentro das actividades da Biblioteca do colexio. Os gañadores en cada unha destas especialidade foron os seguintes:

Concurso de contacontos:
1º ciclo
Alfonso Seoane , Toni Porto e Anxo Rodríguez, por “A familia Bender"
Sara Guerra , Leticia Lozano e Laura Fernández, por “O paiaso e a nena"
2º ciclo
Álex Lorenzo e Daniela Domínguez, por “Luis e o ordenador", por "A familia Sabores"
3º ciclo
Diego Estévez, por “Pedro o Esparramado”
Inés Vaz, Alejandra Franco e Lucía Díaz Picolino, por “Tonechos 6. Secuestro de Amadora"

Concurso de Banda deseñada:
2º ciclo
Adrián González Salgueiro: “As chapuzas de Hugo”
Aarón Rua González: “Os animais van ao cole”.
Álvaro Fernández Yáñez: “Unha de extraterrestres”.
3º ciclo
Lucía Díaz Nicolino e Ana Vázquez de Amorín:”Un anxo caído do ceo”
Arcadio Álvarez Zurbano e Fernando Gómez González: "Un heroe na cidade"

Correlingua 2008: "365 días, en galego cabe todo"

2008-05-19T11:02:00.003+02:00

Este ano celébrase unha edición máis do Correlingua, que ten como lema "365 días, en galego cabe todo". Rapazas e rapaces de 4º, 5º e 6º estiveron na festa que tivo lugar o venres en Verín por este motivo. Os de 4º cantaron a canción "Lela", os de
5º cantaron "Marica no muíño" e os de 6º interpretaron a canción "O galego sempre triunfará". Ademais de participar, pasárono fenomenal, tal como podedes ver nestas fotos:

Letras Galegas 2008

2008-05-16T11:26:00.012+02:00

Como sabedes, mañá sabado é o Día das Letras Galegas. Esta data vense celebrando desde o 17 de maio do ano 1963 porque nese día conmemorouse o centenario da publicación do libro de Rosalía de Castro "Cantares galegos" e foi entón cando se decidiu que a Real Academia Galega escoller un autor galego para homenaxealo na mesma data tódolos anos.
No colexio, desde hai tempo, estamos facendo actividades relacionadas co día das Letras, que este ano se lle dedica a Xosé María Álvarez Blázquez.
Presentámosvos aquí unha pequena mostra dalgúns destes traballos.

En primeiro lugar tedes o mural que prepararon en 6º, no que aparece como centro o galego en forma de sol irradiando a súa enerxía en tódalas facetas da nosa vida.
Este é outro dos traballos de 6º, no que se expoñen os autores aos que se dedicou este Día das Letras desde o seu inicio.

Tamén os de 3º fixeron estes murais:

A semana que ven imos continuar preparando cousas para esta conmemoración e especialmente para o festival que celebraremos o xoves. Estade atentos porque aquí tamén daremos conta delo.

Recibimos a visita de Sabela Gago

2008-05-13T13:53:00.008+02:00

Hoxe estivo no colexio Sabela Gago, que nos veu contar uns contos marabillosos e moi entretidos. Xuntounos no ximnasio do colexio e comezou a contarnos o conto de Polichinela, Poliplasta e Petit Pois, e máis tarde o da mosca chinchosa, o camaleón multicolor, o loro parlanchín e outros moitos personaxes. Dende o principio meteunos nos contos e fíxenos actuar a todos. Aprendimos a imaxinar e a interpretar, ¡foi moi divertido!.
Ao final contounos que eses personaxes estaban dentro dos libros e que para que non estiveran alí tan apretados era necesario que foramos á Biblioteca e os abríramos. Así que xa sabedes ...

III Concurso de Contacontos. 2º e 3º ciclos.

2008-05-13T11:26:00.004+02:00

Tedes tamén aquí algunhas imaxes das anteriores sesións do concurso de contacontos, nas que participaron os seguintes alumnos/as:

2º ciclo:
Isabel, Avelino e Ana, co conto “Maruxiña”
Alex e Daniela, con "Luis e o ordenador"
Mayka, Xosé Manuel e Carolina, con “O roubo das cenorias”
Ivana, María e Noa, con “Amigos de sempre”
Marta, Joseba e Sabela, con “A familia Sabores”
María, Sara e Sofía, con “A eiruga Gus”
Alba Rodríguez, con “As mil mañas”
Alba Rivero, con “Os tres carameliños”

3º ciclo:
Diego Estévez, con “Pedro, o esparramado”
Ana Rodríguez, con “Cuestión de sorte”
Lucía, Shaila e Javi, con “Os dous namorados e a cabra”
Alfonso, con “Tomé e o dicionario máxico”
Cristina, Patri e Marylin, con “A peiteadora de ideas”
Inés, Alejandra e Lucía, con “Os Tonechos 6. Secuestro de Amadora”
Roi, con “O galo pinto”
Carlos e Miguel, con “O país da fantasía”

III Concurso de Contacontos

2008-05-08T17:28:00.002+02:00

Como sabedes, estamos a celebrar o 3º concurso de contacontos. Hoxe foi a terceira fase, na que participaron os nenos e nenas do 1º ciclo, cheos de entusiasmo e ilusión por facelo o mellor posible.

Estes foron os participantes de hoxe:
Alfonso, Toni e Anxo, co conto "A familia Bender"
Sara, Iria e Alba, con "O mundo dos soños"
Sara, Leticia e Laura Fernández, con "O paiaso e a nena"
Nerea, Xurxo e María, con "O espantallo, o corvo e a gata"

I Xornadas do Cómic

2008-05-06T09:59:00.005+02:00

Dende hai algunhas semanas estamos a celebrar as I Xornadas do Cómic no colexio. Por este motivo comezamos ambientando a biblioteca con debuxos de personaxes, "empapelado" da porta de acceso con follas de cómics, colocación de cómics nos expositores da biblioteca, etc. Tamén ambientamos a entrada do colexio con personaxes que invitan a visitar a biblioteca e ao mesmo tempo recordan as normas da mesma.
<

O seguinte paso foi elaborar un Taller de Cómics para os nenos e nenas de 2º e 3º ciclos. Entregóuselles un dossier cunha serie de directrices sinxelas para a elaboración dos debuxos e guións e de seguida se puxeron a traballar na creación de cómics.

Unha vez feita esta aprendizaxe hoxe decidimos convocar o I Concurso de Cómics. A data límite de presentación dos traballos é o 20 de maio.

Día do Libro

2008-04-23T10:12:00.016+02:00

En tal día como hoxe, 23 de abril, no ano 1616, morrían os escritores Miguel de Cervantes e William Shakespeare, motivo polo que, como sabedes, celébrase o Día do Libro. No colexio, naturalmente, quixemos sumarnos a esta celebración e para elo programáronse diversas actividades. Neste blog tedes imaxes dalgunhas delas.

Dende a primeira hora xa se notou un ambiente diferente no colexio. De súpeto apareceron no patio diferentes persoaxes cun libro na man, persoaxes que parecían saídos dalgún texto literario ou mesmo da vida cotidiá. Máis tarde tamén fixeron aparición no recreo.
No salón de actos (é un eufemismo) houbo unha escenificación baseada na obra de Cervantes e Shakespeare, que podedes ver no seguinte vídeo:

Xa estamos aquí!

2008-04-06T17:27:00.001+02:00

Hoxe inauguramos o noso blog da Biblioteca do CEIP Amaro Refojo de Verín.
Somos novatos nesto, así que teredes que ter paciencia con nós:)

Benvidas e benvidos!